Inwerking: 5 Oktober 2025
By Kwêvoël glo ons dat elke pakkie wat by die deur uitgaan, ‘n bietjie van ons hart saam met hom dra – en natuurlik soms ook ‘n bietjie te veel bubblewrap.
Hier’s hoe ons aflewering werk, sodat jy presies weet wat om te verwag.
1. Koerierdiens
Alle aflewerings word hanteer deur The Courier Guy, ‘n betroubare Suid – Afrikaanse koerierdiens wat oor die hele land lewer. Sodra jou bestelling versend word, ontvang jy ‘n opsporingsnommer per e-pos, whatsapp of SMS om jou pakkie se reis te volg. Ons word seker jou bestelling word met sorg ingepak en betyds uitgestuur, maar sodra dit by die koerier is, is dit buite ons direkte beheer (dis waar die “goeie hoop” deel inkom)
2. Afleweringskoste
Afleweringskoste word outomaties bereken deur The Courier Guy en by jou bestelling gevoeg tydens die betaalproses.
Die koste hang af van jou ligging en die gewig/grootte van jou bestelling.
Tensy anders vermeld (bv. spesiale promosies), is aflewering vir die koper se rekening.
Kwêvoël kan ongelukkig nie verantwoordelik gehou word vir enige vertragings of verlore pakkies weens verkeerde adresinligting wat deur die koper verskaf is nie.
3. Afleweringstyd
Ons probeer altyd vinnig wees – maar ons is menslik (en vat koffiepouses).
Bestellings word gewoonlik binne 1 – 3 Werksdae verwerk.
Aflewering neem tipies 2 – 5 werksdae, afhangend van jou ligging.
Plattelandse gebiede of afgeleë dorpe kan ‘n bietjie langer neem.
As daar enige vertragings is (soos weer, stakings of koerier – chaos), laat ons jou weet so gou as moontlik.
4. Bestellingsopsporing
Sodra jou bestelling versend word, sal jy:
‘n E-pos ontvang met jou opsporingsnommer of
‘n Whatsapp/sms met die skakel om jou pakkie te volg.
Gebruik die skakel om te sien waar jou pakkie is.
5. Nie – ontvangs van pakkies
As jou pakkie volgens die koerier afgelewer is, maar jy het dit nie ontvang nie, laat weet ons binne 48 uur. Ons sal help om dit op te spoor, maar let asseblief daarop:
Kwêvoël kan nie verantwoordelik gehou word vir gesteelde pakkies nadat die koerier dit as “afgelewer” gemerk het nie.
6. Foute of beskadigde items
As jou bestelling beskadig aankom, neem asseblief binne 48 uur foto’s en stuur dit vir ons by kwevoel25@gmail.com. Ons sal vinnig kyk hoe ons dit vir jou kan regstel – ons los nie kliënte met trane of stukkende items nie.
7. Vrae oor aflewering
Vrae, Onseker? of net lus om te hoor waar jou pakkie nou is?
kontak ons gerus:
kwevoel25@gmail.com
https://www.kwevoel.com
Laaste Gedagte
Ons glo in vinnige diens, goeie koffie en klante wat glimlag wanneer hulle hul kwêvoël – pakkie oopmaak. Dankie dat jy plaaslik koop – jy hou die vonk aan die gang.